AUP: I, 311 3

/"Officialis Parisiensis omnibus presbyteris salutem in Domino. Nisi vobis constiterit, quod Franciscus de Stettyn reddiderit et solverit nationi Anglicane seu ejusdem nationis receptori Parisius decem bursas, in quibus eidem nationi tenetur ratione determinancie sue, quas promisit solvere secundum nosse et posse suum, quam cicius habuerit triginta francos auri Parisius vel in partibus, exceptis debitis libris et pignoribus : hinc est quod vobis mandamus quatinus ipsum Franciscum, quem si in hoc defecerit canonica monitione premissa excommunicamus in hoc scripto, exc[ommunicatum] a nobis dicta monicione premissa nuncietis. Datum anno Domini millesimo CCC LXVIIIvo , die veneris post dominicam qua cantatum fuit in ecclesia Dei Misericordia Domini (an. 1368, 28 Aprilis)" ;