GUILLELMUS Anglicus 2

Explorer le graphe

/"Ci sont les nons des personnes lesquelles mestre Guillaume l'Anglais a fet semondre des privileges aus escoliers de l'Universite de Paris, et les nons des villes ou il demeurent. Primo de Ferrotes, de Flagi, de Gumery, de Bicheriau et de Lespinay. Primo Guillot Bicheriau escommenie et agregie, pour ledit mestre Guillaume, le prieur de S. Julian le Povre de Paris juge. Item Thibaudin de Launay escommenie et agregie, le chantre de S. Honoure de Paris juge, et ne fu puis sa fame amessee que elle gesoit d'enfant quant lediz mestre Guillaume les fist escommenier. Item il le fist escommenier, le prieur de S. Jaques de Troyes juge. Item Guillaume le conte de Ferrotes escommenie, le chantre de S. Honouré de Paris juge. Item escommenie le prieur de S. Jaques de Trojes juge, a la requeste dudit mestre Guillaume. Item Perrin Grenier de Ferrotes escommenie, le prieur de S. Jaques de Troyes juge. Item Jehannin Martinot escommenie, le prieur de S. Julian le Povre de Paris juge. Item il a eu de Henri de Chardouce iiij sol. pource qui le faisoit semondre et sanz caiise. Item Guillot de la Chauciée escommenie, le prieur de S. Julian le Povre de Paris juge et a la requeste dudit mestre Guillaume. Itein Jehannot Saliman de Flagi escommenie, le prieur de S. Julian le Povre de Paris juge. Item Droet de Milli demorant a Flagi semons et travaillie par plusieurs foys et en ot mestre Guillaume une grant somme d'argent. Item il fist semondre Jehannin Crestian et en prinst vj sol. pour son soufrir et sanz cause. Itein Lembert de Lespinay semons et travaillie plusieurs foiz et en ot mestre Guillaume xxx sol. et saiiz cause. Item mestre Guillaume dist a Jehannin Petit clerc au tabellion de Moret que s'il vouloit aler a Flagi avec lui, il li bailleroit unes lettres de Romme desquelles il absodroit et escommenieroit toutes manieres de genz toutes foiz qu'il voudroit. Item des choses dessus dites est commune renommee au pais, et a fet li diz mestre Guillaume semondre les bones genz des diz privileges de l'Université de Paris et d'autres lettres de Romme, et escommenier si comme dessus est diz sanz se qu'il eussent onques veu ne congneu ou pais ne que il eussent de riens a faire a lui, et seront les choses dessus dites trovees voires, se enqueste en est faite".