LAMBERTUS de Ostende

Explorer le graphe

/"In qua congregacione procurator predictus, scilicet Heinricus de Os, toti Universitati conquestus fuit de uno flamingo, qui vocabatur magister Lambertus de Hostende, ob hoc quod in supplicacione sua in rotulo posita, scilicet Xanctis, concurrens fuit, non obstante quod dictus magister Lambertus multis temporibus retroactis Parisius non rexit, sed solum suam supplicacionem cuidam amico suo magistro Parisius transeundo duntaxat dimisit, qui tamen procurator predictus regendo actusque scolasticos faciendo tam ante quam post ista tempora actu Parisius exstitit. Quo facto quorumque magistrorum habita deliberacione, Universitas decrevit quod dictus procurator dicto magistro Lamberto sue supplicacionis promocione foret preferendus, et quod dictus magister Lambertus in dicto rotulo Universitatis causis predictis in prejudicium aliquod sive dampnum dicti procuratoris nundum foret admittendus nec secum concurrere nequaquam permittendus.