professionalCareer > universityFunction Explorer le graphe
Incertitude
1
Texte
“Alexander episcopus servus servorum Dei dilecto filio magistro G. salutem et apostolicam benedictionem. Attendentes litteraturam et scientiam tuam, et quomodo compositione morum et honestate sis preditus nihilominus cogitantes, cogimur communi et speciali debito tuis profectibus et incrementis intendere, et multa tibi benignitate deferre. Eapropter, dilecte in Domino fili, cum sub magisterio tuo multi per Dei gratiam proficient in scientia litterarum , auctoritate tibi apostolica duximus indulgendum , ut usque ad quadriennium, si scolas rexeris, redditus tui quos habes in Anglia nullius contradictione vel appellatione obstante libere tibi et sine diminutione qualibet reddantur in scolis, ita quidem, ut niilli fas sit tibi quidnam de illis redditibus diminuere vel subtrahere, aut circa res tuas indebitam molestiam vel gravamen inferre ; nec cogaris infra terminum ipsum scolas dimittere, nisi alicui ecclesie, in qua personatum vel magnum beneficium habeas, ea necessitas imminuerit, quod merito tuam sibi debeas presentiam et patrocinium exhibere. Dat. Anagnie vij id. Februarii.
Type(s)
professionalCareer > universityFunction
Source(s)
CUP : I, 9 (n° 10)
Personne(s)
Source des données